NAGA CITY– Irido an duwang persona makalihis makabangga an nilulunadan kaining motorsiklo sa sarong tricycle sa kalabaan kan tinampo sa Brgy. Sta Rosa Del Sur, Pasacao, Camarines Sur.
Binisto an mga nalugadan na sinda Jeric Ferrera, 25 anyos asin an backrider kaini.
Sa nagunong impormasyon kan Bombo Radyo Naga napag araman an binabagtas kan motorsiklong minamaneho ni Ferrera asin kan backrider kaini an kalabaan kan nasambitan ng tinampo kan aksidente ining makabangga sa tricycle na minamaneho ni Melchor Malaqui, 39 anyos.
Huli digdi, nagsapo nin lugad sa manlaenlaeng parte kan saiyang lawas sinda Ferrera asin an backrider kaini na tulos idinalagan sa ospital.
Sa ngunian, nagpapadagos pa man an imbestigasyon kan mga otoridad sa nasambitan ng pangyayari.
