Pinakahalangkaw an Pilipinas sa igwa nin halangkaw na singil sa presyo nin kuryente sa Timog-Silangang Asya. An Department of Energy (DOE) nagpromesa na papakarhayon an suplay nin kuryente bago matapos an termino ni Presidente Marcos sa 2028.
Segun ki Energy Secretary Sharon Garin, pinaparikas kan DOE an pagkonstruhir nin 200 na planta nin kuryente tangarig masimbagan an nagdadakulang pangangaipo asin mapakusog an supply nin enerhiya.
Naggigibo man nin plano an DOE tanganing maresolberan an kakulangan nin kuryente sa Mindoro, Palawan, asin Visayas. Ibubugtak man ninda an Battery Energy Storage Systems (BESS) bilang pansamantalang solusyon.
Makakatabang an BESS sa pagtipon asin pagdistribwir nin kuryente lalo na sa panahon nin peak demand. Tumong niini nga mabawasan ang mga brownout sa Visayas.
Padagos an paglangkaw kan presyo kan kuryente sa nasyon. Huli kaini, pigtuyaw kan grupong Power for People Coalition an gobyerno asin planong magsangat nin kaso kontra sa DOE asin sa Energy Regulatory Commission.
