Nasa 23 indibidwal an naisalbar kan Philippine Coast Guard (PCG) makalihis an banggaan kan motorbanca asin tourist boat sa Consuelo, Cantilan, Surigao del Sur.
Kabali sa naisalbar an 16 na pasahero, sarong tourist boat captain, crew kan tourist boat asin pirang pahinante.
Saro sa mga na-rescue an nalugadan asin pigdara sa ospital.
Napag-araman na miscommunication sa vessel signaling an kawsa kan banggaan kan bangka.
Tulos man na nagkaayos an duwang lado dapit sa pagpapakarhay kan mga nadanyaran sa bangka.
