Nakaluwas na an 26 na pasyente nin leptospirosis sa San Lazaro Hospital sa Manila matapos na opisyal na ideklarar na naumayan asin ma-clear para sa discharge.
Segun sa pamamahala kan pasilidad, kadaklan sa mga pigbulong na pasyente nagkaigwa kan impeksyon huli sa paglubog o pagkalantad sa tubig baha.
Utrong nagpagirumdom an health official na an bakteryang leptospirosis pwedeng magkawsa nin mga enot na sintomas arog kan kalintura, kulog nin payo, kulog nin kalamnan, asin paglipot.
An mga senyales na ini parati minalataw sa laog nin duwang semana pagkatapos na maglusong sa tubig baha, alagad pwede man na maglataw sa laog nin duwa sagkod 30 aldaw.
Nagpatanid an ahensya na kun dai tulos mabolong, posibleng maglala an leptospirosis asin magkawsa nin nakakagadan na komplikasyon.
Huli igdi0, mahigot na pinapagirumdom kan health center sa publiko na tulos na magkonsulta sa pinakaharaning health facility enkaso makaeksperyensya nin anuman na sintomas makalihis na maglusong sa tubig baha.
Tinawan-duon kan mga eksperto na an amay na pag-diagnose asin tulos na pagpapabulong tanganing malikayan an malalang helang asin makaligtas nin buhay.
