Nakatalaan na ipa-deport an 30,000 dayuhang obrero na nagtra-trabaho sa Philippine Offshore Gaming Operators (POGOs) makalihis ipagbawal na ni Presidente Ferdinand Marcos Jr. an gabos kan POGO sa nasyon.
Sigun ki Presidential Anti-Corruption Commission (PAOCC) spokesperson Winston Casio, 27 Chinese nationals an nakatalaan na ipadeport pabalik sa saindang nasyon.
Dugang pa kan opisyal, nasa 33 an inisyal na numero kan apektadong obrero alagad 6 sa sainda an hi-nold paramientras huli sa saindang existing hold departure order sa manlaen-laen na nasyon.
An huma na ini sa ngunyan an mga nagtra-trabaho sa ilegal na POGOs alagad naglalaom man an PAOCC sa pakikipagtabangan sa manlaen-laen na ahensiya kan gobierno an mapa-padeport an dakulang numero kun dae man gabos.
Sigun pa sa PAOCC official an mga banyagang nagtratrabaho sa ilegal na POGO an ibubugtak sa immigration blacklist asin dae man tutugutan na makalaog liwat nin nasyon alagad an mga legal na dayuhang obrero an posible soboot na makabwelta sa nasyon.
Marurumduman, kan mga nakalihis na aldaw, napa-deport na an nasa 27 Chinese nationals na igwang kinaaraman sa ilegal na POGOs na ni-raid sa Bamban, Tarlac asin Pasay city.
