Nagpakol sa 39 katawo an binawian nin buhay, kaibahan an nagkapirang kaakian, mantang labi 50 an irido sa sarong stampede sa campaign rally kan actor asin politiko na si Vijay sa estado kan Tamil Nadu kan nakalihis na Sabado.
Sigun sa pulisya, nasunad na sinda nin kasong kriminal sa mga haralangkaw na opisyal kan partido ni Vijay, an Tamilaga Vettri Kazhagam (TVK), kaibahan sinda Bussy Anand, Nirmal Kumar, asin V.P. Mathiyalagan.I
pigreport na naghagad sana nin 10,000 katawo an partido, alagad labi sa 20,000 an nagpasiring sa rally sa Karur district.
Sa sarong pahayag, sinaysay ni Vijat na ini an labi na nakikisimpatya sa trahedya asin nagpromesang matao nin tabang sa mga pamilya kan mga biktima.
Pighagad man ni Tamil Nadu Chief Minister M.K. Stalin an 1 million rupees (P650,000) na compensation para sa lambang pamilyang nagadanan.
Siring man an pagtatala kan sarong komisyon na pinamamayuhan kan retiradong justice an tanganing imbestigaran an insidente.
Napag-araman na an rally an parte kan pagpepreparar ni Vijay para sa eleksiyon sa masunod na taon, kun saen hahamunon kan saiyang partido an DMK asin an partido ni Modi na Bharatiya Janata Party (BJP).
