NAGA CITY-Nagtutubod an 44% kan mga Pilipino na mamaray an kalidad kan saindang buhay sa masunod na 12 bulan, basado sa resulta kan survey gikan sa Social Weather Stations(SWS).
Pigtukoy kan SWS an nasambitang mga responders komo positibo.
Nasa 7% man kan mga respondent an nagsambit na malala pa an saindang buhay sa kaparehong peryodo na pig-uri man komo pessimists, mantang nasa 6% kan mga respondents an dai nagtao nin kasimbagan.
An bahagyang pagbaba kan numero kan mga positibo an pananaw sa buhay gikan sa Mindanao, mantang siring man na nagbaba an net personal optimism kan mga gikan sa Metro Manila asin Visayas.
Solo man an Balance Luzon na naglangkaw an net personal optimism score na nag-abot sa +44 kan Marso 2024 gikan sa +40 kan Disyembre 2023.
