NAGA CITY – Iridu an pito katao kaibanan an apat na menor de edad makalihis magsalpok an sarong motorsiklo sa pampasaherong tricycle sa Provincial Road kan Barangay Labao, Libmanan, Camarines Sur.
Sa nakuang impormasyon kan Bombo Radyo Naga sa Camarines Sur Police Provincial Office (CSPPO), napag-araman na mantang binabagtas kan tricycle na minamaneho ni Jerry Cedron, 54-anyos an tinampo sa nasambitan ng lugar kan biglang makabangga sa likudang parte kaini an sarong motorsiklo na minamaneho naman ni Mark Anthony Vargas, 18-anyos.
Katakod kaini, nagsapo nin lugad sa manlaen laen na parte kan lawas an anom na pasahero kan tricycle na tulos man na idinalagan sa ospital kaibanan an driver kan motorsiklo.
Napag-araman na nakainom an motorista mantang mayo man nin sulot na helmet.
Sa ngunian, nagpapadagos pa an imbestigasyon kan mga otoridad dapit sa nasambitan ng pangyayari.
