Aram baya nindo mga ka-bombo, kabilugang 918 na tawo an nagtukaw sa nasa 150 na lamesa tanganing sarabay na magkawat nin Monopoly tanganing maibulsa an Guinness World Record sa Australia.
An nasambitan ng pagpurbar na ginibo sa Sydney an pig-organisa kan Little Legs Foundation, sarong charity na nangangalap nin pondo siringman magheras nin impormasyon para sa mga kaakian na igwang brain cancer.
Saro na digde an mag-agom na sinda Sue-Ellan asin Marino Vasiliou, kun saen an saindang aki na si Alegra an nagadan huli sa brain cancer sa edad na 6-anyos kan 2017.
Obheto soboot kan lakdang na ini an makapagkriar nin espasyo para sa mga joven asin mga gurang na magselebrar kan sarong bagay na nakakapagtaong orgulyo sa lambang saro.
An nasambitan ng pagpurbar an panduwang beses na pig-organisar kan Little Legs Foundation, makalihis an dati nang pagpurbar para sa titulo na most people playing Monopoly.
