NAGA CITY- Dawa na nagtapos sana sa ikaapat na pwesto sa katatapos sana sa Southeast Asian Junior and Cadet Table Tennis Championship, kinokonsiderar pa nanggad kan team Philippines na sarong dakulang akomplisimiento para sa sainda an nasambitang resulta.
Sa entrevista kan Bombo Radyo Naga ki Ting Ledesma, presidente kan Philippine Table Tennis Federation Inc., sinaysay kaining an nakuha nindang silver asin duwang bronze an pinakahalangkaw na puntos na nakua ninda sa nasambitang kompetisyon poon kan taong 2013.
Saro sa mga problema kan matitibay na atleta sa nasyon an kakulangan nin training center asin facilities kun saen solamenteng duwang mesa para sa table tennis kan Philippine Sports Commission an saindang nagagamit sa mga training.
Katakod kaini, pinagpaplanuhan man suboot ninda na magbugtak nin table tennis sports clinic sa manlaen laeng parte kan nasyon.
Sa ngonyan, nangapodan man si Ledesma sa gobyerno na tabangan sinda na magkaigwa nin mga gamit na mas makakatabang pa sa mga atleta na naglalaban sa mga international competition.
