Kritisismo, pigmimirar komo ‘stepping stone’ para sa mas maray na pagtrabaho– Mayor Duterte

NAGA CITY– Tood na suboot si Davao City Mayor Inday Sara Duterte sa kadakol na kritisismo na naresibe orog na sa saiyang trabaho.

Sa paghampang ni Duterte sa mga miyembro kan media sa Camarines Sur, sinaysay kaini na sa kadakol na kritiko, naisip na sana niya na dae gabos na tao mamamawot sa saiyang pig-gigibo kaya pinapabayaan na sana niya ini.

Alagad sa ibong kaini, nagsisirbi na sana suboot komo stepping stone an nasambitan nang mga problema para mas mapamaray pa an saiyang pagtrabaho.

Si Duterte an saro sa mga nagin bisita sa aktibidad kan lokal na gobyerno kan Camarines Sur kun saen siniyerto kaini an suporta kan Davao City sa mga pangangaipo kan probinsiya.