Kasumpay kan pagselebrar kan Teacher’s Month, dae man pinalagpas kan mga paratukdo an pagbale sa aktibidad sa syudad nin Naga an pagtataya sa Ultra Lotto 6/58.
Napag-araman na mantang on-going an programa sa Jesse M. Robredo Coliseum, manungod sa ipigkundusir na selebrasyon kan Teacher’s Month Celebration sa syudad nin Naga, dakul man na mga paratukdo an gikan pa sa manlaen-laeng parte kan Camarines Sur an puminila sa Lotto Outlet sa luwas sana kan Coliseum katakod kan posibleng panganahan na haros P850-milyon na jackpot prize.
Agaw-pansin man an halabang pila kan mga nagtataraya sa naunambitang lotto outlet kabale na an mga paratukdo na nagatendir sa naunambitang okasyon.
Kinakarkulong maabot sa 10,000 an mga paratukdong duminayo pa sa syudad para sa naunambitang aktibidad na gikan pa sa 35 banwaan asin sarong syudad sa nasambitan na probinsya.
