Pigbasura kan New York Judge an kahagadan ni US President-elect Donald Trump na ipauktaba an pag-sentensiya sa saiyang felony hush money case sa Biyernes, Enero 10.
Segun ki Justice Juan Merchan, magpapadagos an pag-sentensiya ki Trump nin huli ta an mga argumento soboot kaini laban sa nakatalaan na hatol ay repetition sana o pag-uutro kan saiyang mga argumento na naenot na kaining pigdulok nin kadakol na beses sa mga nakalihis na pagkakataon.
Sa mga pigsunad sa korte, ikinatwiran kan mga abogado ni Trump na saindang kahagadan an pagbasura sa pig apod nindang politically motivated prosecution nin huli ta may depekto soboot ini sa puon pa sana. Pigbubusol man kan legal team ni Trump an pagdangog sa nasambitan ng kaso sa appellate court.
Marurumduman na nahatulang guilty si Trump sa 34 na numero nin felony huli sa pagpalsipika kan saiyang business records kan nakalihis na Mayo 2024, rason kaya man ini an kaenut-enuti na Presidente kan Amerika na na-convict sa krimen.
Nag-ugat an nasambitan ng mga kaso sa pagtatangka ni Trump na i-disguise o itago komo legal expenses an saiyang reimbursements para sa $130,000 hush money payment sa sarong adult film star.
