Nagpepreparar na an Qatar para sa pagpupuon kan ikaduwang kabtang kan Gaza easefire deal agreement pa tahaw kan Hamas asin Israel.
Sinaysay ni Foreign Ministry official Majed al-Ansari, nahihiling kaini an magayon na sitwasyon huli sa matoninong na pagpapauton kan enot na kabtangkan ceasefire.
Piglinaw kaini na dae pa nagpupuon an negosasyon sa ceasefire asin pwedeng sa mga masunod na aldaw an sainda na ining pupuonan.
Pira sana sa saiyang natuyaw an dapat dugangan an pagtatao nin humanitarian aid sa Gaza huli sa kadakol pa man an naapektaran kan nasambitan ng kariribokan.
Enot na man na sinaysay ni Israeli Foreign Minister Gideon Saar na preparado na sindang mag-atendir sa pag-uulay para sa ikaduwang parte kan negosasyon kan Gaza deal.
Marurumduman na nagkaigwa nin tolong parte an ceasefire deal sa Gaza kun saen mapalibre nin bihag an mga Hamas karibay man an mga Palestinong nakakulong sa Israel.
An huring parte kan ceasefire an dagusan na paglayas kan mga soldados kan Israel na nakatalaga sa Gaza.
