Nangapudan an opisyal kan Hamas sa mga peace deal mediator na piriton an Israel na magsunod sa kasunduan na piglatag para sa pankinaban na katrangkiluhan.
Sigun ki Senior Hamas official Bassem Naim na an ginigibong pag-untok kan Israel sa pagpapakawara nin 620 na Palestinian prisoners an magkakawsa nin peligro sa peace deal.
Huli kaini, pig-enkaminar an mga mediators orog na an US na piriton an Israel tanganing magsunod sa kasunduan asin palibrehon an mga prisoners.
Kan nakalihis na Sabado, pinalibre na kan Hamas an anom nindang bihag alagad dae nagsimbag an Israel na magpalibre nin mga Palestinian inmates.
Marurumduman kaya pigpauktaba ninda an pagpapalibre sa mga Palestinian prisoners huli ta saindang ikina-anggot an ginibong seremonya ng Hamas na ipinarada pa sa publiko an mga lawas kan nasambitan ng indibwal.
