Pinahigot kan Department of Trade and Industry an pagbabantay asin monitoring kaini sa kadakol na produkto na mababakal kan mga Pilipinong konsyumer online.
Kun saen pigsierto kan nasambitan ng ahensiya an seryoso soboot sinda sa piggibong paghihigot alagad, presente an kadalasan na piggagamit na kan publiko an mga e-commerce platforms.
Sigun mismo sa sekretaryo kan Department of Trade and Industry, na si Secretary Maria Cristina Roque, makusog kaya hasta ngunyan an online-shopping na soboot nagpuon kan pandemya.
Dugang pa kaini, kasuarin sana an ikinasar an sarong pagtiripon kaibahan an mga darakulang kumpanya kan e-commerce platforms tanganing ipaabot na kan ahensiya an pagkahadit sa mga produktong tulos na nababakal online.
Huli digde, ipig-orgulyo kan nasambitan ng sekretaryo na day-to-day basis an saindang pigsasagibong pagmo-monitor para sa saindang pagtutok sa mga produkto online.
Alagad, patanid man ni Secretary Roque na dapat bako sana an ahensiya an naghihiro, pig-enkaminar kaini an publiko na magin mapanuri asin maingat man sa mga pigbabakal.
Kaya man, pangapodan kaini na tulos i-report sa saindang opisina an mga online shop na nakapambiktima o nanloko sa sainda.
