Aram baya nindo mga ka-bombo, an parke sa Nagaizumi, Japan an opisyal na pigmirar komo world’s smallest park na igwang sukol na nagpapakol sa 1/2 square feet.
An nasambitan ng parke na harani sa Nagaizumi Town Hall na haros sarong oras man gikan sa Tokyo an pigkriar kan taong 1988 makalihis na an sarong obrero sa construction management division kan Nagaizumi Town nagbweltada gikan sa saiyang biyahe sa United States.
An nasambitan man na obrero an personal na nahiling an Mill Ends Park sa Portland na iyo man an dating may kapot kan titulo sa sukol na 3.1 square feet.
Sigun ki Shuji Koyama, team leader sa construction management division, mawot soboot ninda na magkriar nin mas sadit pang parke kumparar sa dating may kapot kan titulo.
Huli kaini, saindang pigkriar an parke sa Nagaizumi na nakumpleto kan 1988. Kan nakalihis na Disyembre an mga personahe gikan sa Guiness World Record an pigsukol an parke asin pigsertipikahan ini komo pinakasadit sa bilog na kinaban.
Sa ngunyan, padagos na pigpapagayon an parke sa paagi kan pagkriar pa nin mga landscape asin tanganing magin social media friendly ini na makakatabang na mas orog pang mabisto an saindang lugar.
