Nagin tensyonado an pag-uulay ninda US President Donald Trump asin Ukrainian President Volodymyr Zelensky.
Marurumduman, nagpasiring sa White House an Ukrainian President para sa pagpirma kuta kaini sa mineral deal sa US.
Kaibahan sa nasmabitan ng meeting na pigsagibo sa Oval Office si US Vice President JD Vance kun saan binatikos kaini si Zelensky sa pagigin agresibo sa paghagad pirme nin tabang.
Dae man lamang soboot nagpasalamat si Zelensky sa mga tabang na naitao kan US maski na ikinampanya kaini kan nakalihis na US Election si dating US Vice President Kamala Harris.
Nagribayan man nin tataramon sinda Zelensky asin Trump kun saen saindang pigbabasol an Ukrainian President na iyo soboot an nagpapalala sa kariribukan sa pag-ulatanan ninda kan Russia.
Huli sa nagin tensyon sa laog kan Oval Office, dae an nadagos an news conference kan duwang lider kan nasyon magin an nakatalaan na pagpirma sa mineral deal.
Marurumduman, pig-akusaran ni Trump si Zelensky na iyo man an nagpuon kan pag-atake sa Russia.
