Inarestar kan Criminal Investigation and Detection Group (CIDG) asin kan Philippine National Police (PNP) an apat na Chinese nationals makalihis manutarab an labi P75-milyong kantidad na soboot peke na Crocs footwear sa tolong magkakasuhay na warehouse sa Bulacan.
Pigbisto kan PNP an apar na Chinese Nationals na sinda Weibin, Zhenpan, Youding, asin Wang ng Elite Globus Prime Holdings Corporation na may kansadiri kan tolong warehouse sa Meycauayan, Bulacan.
Kaibahan sa mga dugang na nakumpiskar na ebidensiya an mga resibo kan negosyo, mga computers set, sarong CCTV DVR, asin sarong web mill printer.
Pigtawan-duon ni Police Major General Nicolas Torre III na patakaran kan estado na protehiran asin i-secure an mga exclusive rights kan scientists, inventors, artists asin iba pang gifted citizens sa saindang intellectual property asin creations.
An mga naarestar na suspek an pigkasuhan sa hampang kan National Prosecution Service nin pagbalgar sa Section 155 (Trademark Infringement) katakod kan Section 170 kan R.A. 8293 (Intellectual Property Code of the Philippines) para sa mga dae otorisadong paggamit kan sarong rehistradong trademark na pwedeng magdara nin kalituhan sa mga parabakal.
