NAGA CITY – Gadan na kan madukayan an lawas kan sarong construction worker makalihis kaining maghugot sa Infanta, Quezon.
Binisto an biktima na si Alyas Nikko, 27-anyos asin residente kan Centro A, Barangay Maragondon, sa nasambitan ng banwaan.
Sa nagunong impormasyon kan Bombo Radyo Naga sa Quezon Police Provincial Office, napag-araman na sarong Barangay Health Worker kan nasambitan ng barangay an nag-apod sa opisina kan nasambitan ng hipatura mapadapit sa suicide incident.
Sa inisyal na imbestigasyon kan mga otoridad, napag-araman pa na nadiskubre kan sarong alyas Jonny an mayo na nin buhay lawas kan biktima na nakabitay sa sarong harong na under construction pa.
Sigun man sa mga otoridad, mayong nanutaran na foul play sa insidente.
Mientrastanto, sigun man sa ina kan biktima, antes an insidente nagpasiring sa Clamaba, Laguna an biktima tanganing bisitahon an saiyang aki na igwa nin kompleanyo alagad pigtago ini kan saiyang dating agom.
