Pigrekomendar kan Department of Labor and Employment (DOLE) sa mga employer na magpautob nin mga lakdang tangani maprotehiran an saindang mga obrero sa matinding init kan panahon.
Sa Bagong Pilipinas Ngayon, partikularmente na pigsuhestyon ni DOLE Bureau of Working Conditions (BWC) Director Alvin Curada an pag-adjust kan oras kan trabaho orog na an mga obrerong exposed sa direktang sikat kan saldang siding na sana kan mga nasa construction industry.
Mas salbado soboot kun an oras kan trabaho an gikan alas-6 hasta alas-11 nin pagkaaga, asin man mag re-resume nin alas-2 hasta man alas-5 o alas-6 nin hapon.
Apwera digde, inirekomendar man na magpapautob nin buddy system kun saen igwa nin katuwang an kada obrero tangani sana mabantayan an kamugtakan kan lamang saro.
Ipigsuhesyon man an saro pa sa pagtatao nin regular na break kada duwa o tulong oras tangani matawan nin tyansa an lawas na makapagpahingalo asin makabawi gikan sa matinding init.
