NAGA CITY- Nakumpleto na kan Department of Public Works and Highways (DPWH) an tolong mayor na flood control projects na nagkakantedad nin nasa P340.45 million sa Camarines Sur, Sorsogon, asin Masbate.
An imprastraktura na ini an ohetong maprotehran an mga komunidad na nasa hababang areas asin iba pang coastal communities sa labing pagbaha.
Sigun ki DPWH Secretary Manuel Bonoan, an proyekto an natapos sa mga nakalihis na bulan kan presenteng taon
Sa nasambitan ng proyekto, mabebenipisyaran an mga residete kan Barangay Tabuco sa Naga City, Barangay Bitan-o sa Sorsogon City, asin Barangays San Antonio asin Diotay sa Balud, Masbate.
Sa paagi pa kan imprastraktura na ini piglalaoman na mabawasan an pagbaha sa panahon kan bagyo o pag-uuran.
Enot naman na pigsaysay ni DPWH Region V Director Virgilio Eduarte na an proyekto sa Naga City kinababalihan kan nasa 1.08-kilometer flood mitigation structure na igwang steel sheet piles, rock embankments, asin slope protection.
Po-proteheran kaini an mga residentes na harani sa salog.
Mientrastanto, an proyekto na ini an pig-implementar kan DPWH Camarines Sur 3rd, Sorsogon 1st, asin Masbate 2nd District Engineering Offices.
An flood control systems an parte kan pinahewas na programa kan gobierno na mapapusog an disaster resilience sa area na bulnerable sa kalamidad.
