Posibleng maglangkaw nin nasa 15 hasta 30% an presyo kan sira sa kasagsagan kan Holy Week, sigun sa Department of Agriculture.
Sigun sa ahensiya, an paglangkaw kan retail price kan mga sira an kasabay kan piglalaoman na pagbaba nin demand sa manlaen-lae na mga karne, kasabay kan pagrumdom sa Semana Santa.
Basado sa projection kan DA, bastante an suplay kan mga sira sa merkado tanganing masimbagan an posibleng paglangkaw nin demand na piglalaoman na mapuon na sa masunod na semana sa(April 14).
Kabali sa mga sirang igwang halangkaw na supply sa presente an galunggong, bangus, tilapia, Indian mackerel, sardinas, yelowfin tuna.
Magin an iba pang fishery products siring kan pusit, pasayan, lamang-dagat, asin iba pa an nagtitinir na igwang halangkaw na volume.
Pigsierto man kan DA na babantayan an supply asin presyuhan kan mga fishery products sa kabilugan kan Semana Santa.
