Nagluwas an Bureau of Internal Revenue (BIR) nin bagong listahan kan mga value-added tax (VAT) exempted na bulong para sa manlaen-laen na helang siring kan diabetes asin hypertension.
Sa bagong revenue memorandum circular, pig-aprobaran kan BIR an listahan kan 12 percent VAT-exempt products sa irarom kan Tax Reform for Acceleration and Inclusion Law and the Corporate Recovery asin Tax Incentives for Enterprises Act.
Pigluwas kan BIR an listahan makalihis an endorsement kan Food and Drug Administration kan Department of Health an mga listahan.
Sakop kan circular an mga bulong para sa hypertension, mental illness, diabetes asin high cholesterol.
Nasa walong bulong an pigdugang sa listahan kun saen apat digde an para sa diabetes.
Igwang duwang klase kan bulong para sa high cholesterol asin tig-saro sa mental illness asin hypertension.
Marurumduman kan nakalihis na Disyembre kan nakalihis na taon kan BIR an 16 na VAT exempt na bulong para sa cancer, diabetes, asin mental illness.
