Aram baya nindo mga ka-bombo, sarong team na kinababalihan kan nasa apat na pickleball enthusiasts an nagpurbar na maibulsa an Guinness World Record sa Texas sa paagi kan pagkawat nin nasa 36 na magkakasunod na oras nin mga laban.
An nasambitan ng team na pig-apod an saindang sadiri komo The Pickle Breakers pigpurbaran na maipuli an titulo para sa longest marathon playing pickleball sa Pickler Universe sa Carrollton na kun saen natapos an saindang pagpurbar sa laog nin 36 na oras.
An dating may kapot kan titulo an nagkawat nin nasa 34 hours, 5 minutes asin 55 seconds sa Britain kan nakalihis na September 2024.
An pickle breakers kinababalihan ninda Chong Kim, Jaret Petras, Laura Maala asin Geneva Olson na nagpuon sa saindang pagkawat pasado alas 6 nin aga local time.
An pagpurbar na ini an nakatipon nin nasa labi $18,000 para sa sarong Foundation na nagsusuporta sa organ donation asin pagtatao nin tabang sa mga pamilya na nagdesisyon na mag-donate kan organs kan saindang mga kapamilya.
Sa ngunyan, masairarom pa sa mahigot na pag-review an pagpurbar na ini asin hahalaton an pag-apruba kan record-keeping organization.
