Liwat na pinatanidan kan Philippine National Police (PNP) an gabos nin mga biyahero asin mga bakasyunista na inuton an kasalbaduhan asin magin maingat sa pagbabyahe.
Pagirumdom ni PNP Chief PGen. Rommel Francisco Marbil sa mga magmamaneho kan saindang mga lunadan na sunudon an mga batas trapiko asin siertuhon na nasa maayos na kondisyon an lunadan antes bumiyahe.
Para man sa mga commuters, pinapatanidan an gabos na magin mapagmatyag sa mga terminal asin pampublikong lugar, bantayan an mga gamit, asin tulos na i-report sa mga awtoridad an ano man na kahina-hinalang aktibidad.
Susog ki Marbil, matinir na naka-alerto an PNP sa bilog na panahon nin Kwaresma kun saen bukas an mga help desks asin assistance centers sa bilog na nasyon tangani magsimbag sa anumang pangangaipuhan o emergency.
