NAGA CITY- Ikukundusir na sa maabot na April 28, 29 asin 30 an local absentee voting para sa mga kabuhan kan AFP asin PNP na nag-avail kaini.
Sa entrevista kan Bombo Radyo Naga ki Atty. Maico Julia Jr, Election Officer kan Comelec Naga, sinaysay kaini na sa siyudad nin Naga sulamenteng PNP asin militar sana an nag-avail kan nasambitan ng local absentee voting para sa nararaning 2025 midterm elections.
Sigun ki Julia, pagsinabing local absentee voting bobotohan sana an National position asin sarong partylist, dae soboot digde kabali an pagboto sa local na position.
Katakod digde, maserbeng voting center kan Naga City Police Office an Santa Cruz Elem School mantang sa kampo man kan militar maboto an mga soldados kun saen an makundusir kaini an pamayo kan AFP.
Mientrastanto, pigsaysay man ni Julia na sa presente mayo man nag-avail na mga kagawad kan media kun sae pighihiling na saro sa rason an paghihinayang sa boto para sa local positions.
Sa ngunyan, pinagirumduman na sana ni Julia an PNP asin AFP na darahon an saindang ID para sa ikukundusir na tolong aldaw na local absentee voting.
