NAGA CITY – Nagpapadagos an SumVac operation sa banwaan kan Camaligan, Camarines Sur ngunyan na semana santa.
Sa entrevista kan Bombo Radyo Naga ki Johanna Marie Estrella, Assistant LDRRMO at Camaligan Disaster Risk Reduction Environment and Safety Management Office, sinaysay kaini na sa ngunyan dagos-dagos an saindang aktibidad sa irarom kan nasambitan ng operasyon.
Katakod kaini, naka standby man an saindang response team, mga identified areas of concern orog na sa mga simbahan asin sa mga lugar na aram nindang tatawuhon.
Dugang pa kaini, na ngunyan na semana santa igwa man sindang motorist assistan post para sa mga deboto na kaipuhan soboot an saindang tabang, siring man nakaantabay man soboot an saindang team sa mga aktibidades siring kan prusisyon asin passion play sa saindang banwaan.
Sigun pa ki Estrella, magkakaigwa man sinda nin deployment ngunyan na aldaw kun saen nakipag-koordinar na man an saindang mga personahes sa PNP sa PSO asin sa mga barangay officials siring man saindang mga volunteers kaibahan an saindang communications team na Kabalikat Bicol.
Sa ngunyan, pagiromdom na sana ni Estrella sa publiko na magin alerto asin hydrated huli man sa sobrang ini asin dae paglingawan na magdara nin tubig siring man na pirming sunodon an mga safety tips tanganing malikayan an anuman na insidente asin magin salbado an gabos.
