Nakatalaan na ilangkaw an singil sa service charge sa eroplano.
Basado ini sa ipinaluwas na memorandum kan Civil Aviation Authority of the Philippines (CAAP) antes an piglalaoman na paglangkaw kan travel demand huli sa summer season.
Sa sarong memorandum circular na pigtintaan kan Abril 4, pig-anunsyar kan CAAP na an passenger service charge (PSC) para sa mga international flights idudugang sa P900 gikan sa presenteng P550.
Para sa domestic flights, kaipuhan magbayad nin P350 an mga pasahero kun mabyahe gikan sa international airports, P300 para sa principal class 1 airports, P200 para sa principal class 2 airports asin P100 para sa community airports.
Sa ngunyan, nasa P200 na an singil sa service charge sa eroplano para sa domestic flights. Sinasabi sa circular na an sisay man na pasahero na habo o dae makabayad kan kinakaipuhan na passenger service charge dapat na mapugulan na maglunad sa eroplano.
Kaipuhan magbayad an gabos na pasahero apwera sa mga aki na 2 anyos pababa, mga transit passenger, mga OFW na ma-abroad, asin mga pasaherong dae pwede maglaog.
An nasambitan ng memo nakatalaan na magin epektibo 15 aldaw makalihis an pagpublikar kaini sa 2 pahayagan kan pangkagabusang sirkulasyon.
