Pinahimutikan kan Philippine Navy an akusasyon kan China na iligal na naglaog sa Scarborough Shoal an Philippine Navy Corvette BRP Apolinario Mabini.
Segun sa Philippine Navy kan Lunes, Abril 21, an mga barko kan Pilipinas awtorisado na mag-challenge sa anuman na mga barko na nasa laog kan West Philippine Sea.
Ginibo an pahayag kan PH Navy makalihis na akusaran kan Southern Theatre Navy an Philippine frigate na iligal suboot na naglalaog sa saindang kadagatan na sarong seryosong pagbalgar sa soberaniya asin ley kan Tsina.
Sinabi man kan Chinese Navy na sinundan asin pinalayas kaini an barkong PH.
Alagad, segun sa tagapagtaram kan Navy para sa WPS Rear Admiral na si Roy Vincent Trinidad, ini parte kan mga paghihingoa kan Tsina na baliktaron an impormasyon para sa saindang internal audience.
Dugang pa kan opisyal, sulamenteng an Philippine Navy asin iba pang Philippine-flagged law enforcement ships an igwa nin awtoridad asin legal na basehan na mag-challenge sa arin man na barko na nasa laog kan maritime zones.
