Kinontra ni Department of Foreign Affairs (DFA) Secretary Gilbert Teodoro an Tsina manungod sa isyu kan West Philippine Sea sa Seoul Defense Dialogue forum sa South Korea.
Mantang nagsisimbag siya sa mga hapot, sarong nota an iwinaras saiya na nagpapaliwanag kan “clear, consistent, and firm” na posisyon kan Tsina manungod sa South China Sea Arbitration.
Tulos ining kinwestyon ni Teodoro, asin idinugang na an arbitration nag-agi sa United Nations Convention on the Law of the Sea.
Idiniskribir pa niya an akto bilang sarong porma nin pambubully asin kawaran nin respeto sa nasabing forum.
Segun ki Teodoro, dai kinikilala kan Tsina an ruling huli ta dai sinda nanggana sa Arbitral Award.
Kinondenar man niya an paagi kan pagtao kan nota, na nagpapahiling nin kawaran nin paggalang sa mga organizer kan forum sa South Korea.
