NAGA CITY – Nakipagtabangan an Municipal Disaster Risk Reduction and Management Office (MDRRMO) Presentacion sa mga beach owner na maimpormaran katakod sa posibleng pagkakaigwa nin mga dikya sa mga karigusan.
Sa entrevista kan Bombo Radyo Naga ki Regina Bea, MDRRMO Presentacion, sinaysay kaini na kada bulan nin Mayo, season man kan mga dikya, piglalaoman an pagruluwasan kan mga ini sa mga gilid gilid nagkukurumpol sa mg kadagatan.
Kaya man labi an saindang pagtao nin mga patanid para sa ibayong pag iingat kan mga nagkakarigos nin huli ta labing peligruso an mga ini oras na makarani sa mga kublit.
Sigun pa ki Bea, dakulang katabangan an pagkakaigwa nin bastanteng kaaraman manungod digde orog na an tamang pag agap sa paagi kan first aid.
Magkaigwa nin mahigot na pagbabantay orog na sa parte kan mga kaakian nin huli ta sinda an mga vulnerable sa mhga siring na dae pinaglalaomang pangayayari.
Sa ngunyan, pigtawan duon pa kan opisyal na mas marahay kun maghagad tulos asistensya o tabang sa mga responders asin hotline imbes an pagpopost sa mga social media accounts, sa paagi kaya kaini posible na maglala pa an sitwasyon oras na dae maagapan tulos.
