Liwat na nagpagirumdom an Commission on Elections (Comelec) sa publiko na dawa nag iiral an gun ban an nagpakol na sa labi sa 2,700 an mga nagbalgar asin man naarestar, antes pa an halalan sa Mayo 12.
Pighurot kan Comelec na dagos-dagos sana an pagpapautob kan gun ban hasta sa Hunyo 11, 2025 na nagpuon kan Enero 12, kaining taon.
Sa datos kan Comelec magpuon Enero 12 hasta Mayo 1, nairehistro an nasa 2,787, kun saen 2,668 an sibilyan, 47 an security guards, mantang 19 an mga miyembro kan Philippine National Police (PNP) asin 16 an suldados o miyembro kan Armed Forces of the Philippines (AFP).
Sa kabilogang 2,870 na armas nasamsam sa checkpoints asin mga operasyon kan pulisya, 2,589 an handgun, 112 replica, 70 ang granada, 58 light weapons, 32 airsoft guns, asin man nasa higit 10,000 an manlaen-laeng klase nin bala.
Primero nang nagin pagirumdom kan Comelec na dawa mahigot an pinapautob na checkpoints, dapat ay plain view o visual inspection sana an isasagibo kan mga pulis asin man dae tinutugutan an pagbubukas nin compartment kan lunadan asin man pagkapkap sa mga sakay.
