Pigtawan duon kan sarong Librarians sa University of Oxford’s Lady Margaret Hall college na saindang napatawad na an dating estudyante makalihis na ibalik kaini an sinubling libro makalihis an 20 taon.
Sa social media post kan British college, saindang pigsaysay na an libro na Philip Stubbes’ Anatomy of Abuses, William Pierce’s An Historical Introduction to the Marprelate Tracts and Robert S. Paul’s The Lord Protector: Religion and Politics in the Life of Oliver Cromwell an nakabweltada.
Ini an igwang kaibahan na sarong surat na naghahagad nin pasensiya gikan sa saindang dating estudyante.
Nakapalaog sa nasambitan ng surat na pigsubli an libro kan nasambitan ng estudyante komo undergraduate student 20 taon na an nakakalihis asin kasuarin sana nadiskubre mantang nagpapakarhay kan saiyang mga gamit.
Katakod kaini, pigsaysay man kan librarians sa saindang social media post na naoogma an bilog na library sa pagkakabalik kan libro.
Sa ngunyan, nagpasalamat na sana an British college nin huli ta yaon pa man giraray an kamawotan kan iba na ibalik an mga nasubling libro maski pirang taon naman an nakakalihis.
