Nanindugan si Vice President Sara Duterte na mayo ining nilalaoman asin man buong tapang na aatubangon an saiyang impeachment trial makalihis na mai-proklama an 12 mga bagong senador.
Susog sa Bise Presidente, dae na kaini nilalaoman an sarong acquittal o maski verdict guilty para sa saiya sa magigin trial asin man nanindugan na ini ay matinir na ‘at peace’ dawa na ano man an magigin kaluwasan kan trial.
Dugang pa ni VP Sara, dae kaini aram kun pano maboto an mga senador asin sala man soboot na bilangon tulos an boto nin huli ta mayo pa man nin mga bastanteng ebidensya na kapot kan Kongreso asin mayo man nin naipapahiling an prosekusyon asin dae aram kan publiko kun anong klaseng depensa an kayang gibuhon an saiyang lado.
Tinawan duon kan Bise Presidente na mawot kaining madagos an trial tangani magkaigwa nin sarong ‘bloodbath’ sa kongreso.
Pigsierto man kan opisyal na siya asin an saiyang legal team ay ‘fully engaged’ sa mga preparasyon para sa pinaglalaomang trial sa katapusan kan bulan nin Hulyo presenteng taon.
Mientrastanto, preparado man na magsumiter nin sarong supplemental affidavit denying criminal offenses of inciting sedition and grave threats an lado ni VP sara sa National Bureau of Investigation (NBI).
