Gadan an limang katao kan magbanggaan an duwang helicopter harani sa Eura Airport sa kanlurang parte kan Finland man nakalihis na Sabado nin pagkahapon.
Susog sa pulisya, nangyari an insidente bandang hapon harani sa banwaan kan Kauttua, kun saen manunutaran an mga debris kan helicopter sa rayong 700 meter gikan sa Ohikulkutie road.
Sigun ki Detective Chief Inspector Johannes Siirilä kan National Bureau of Investigation, lunad an duwang tao kan sarong helicopter mantang sakay man an tutong tao an saro pang helicopter antes man ini magbanggaan.
Sa presente ay inaaram pa kan mga awtoridad kun an mga helicopter ay pasiring sa sarong hobby aviation event.
An National Bureau of Investigation an namamayo sa imbestigasyon kaiba an mga lokal na pulis asin awtoridad gikan sa Finland asin man Estonia.
