NAGA CITY- Pigsaysay kan pamayuhan kan Bureau of Fire Protection Bicol na an nasa 3,740 barangay sa Rehiyon an nag-establisar nin fire brigades.
Sigun ki Fire Senior Supt. Achilles Santiago, direktor kan BFP- Bicol, an nasambitan ng fire brigades o mas bistado komo Community Fire Auxiliary Groups (CFAG), an nagsairarom sa training kan BFP tanganing magresponde sa mga insidente kan kasulo.
An CFPP na parte kan pinahewas na OPLAN Ligtas na Pamayanan an stratehiya sa lokal na lebel na pigbilog kan municipal fire stations sa pakikipag-koordinar sa mga barangay officials.
Obheto kaini na malikayan asin magresponde sa mga fire incident sa komunidad.
An kaplanuhan na ini an binilog tanganing magsimbag sa kakaibang pangangaipuhan asin vulnerabilities kan kada barangay na igwang pokus na i-promoter an fire safety awareness, prevention, asin preparedness.
Ini an kinababalihan kan mga miyembro kan barangay na iyong maresponde sa kasulo sa saindang kanya-kanyang lugar.
Igwa man nakatagama na fire extinguisher o balde kan tubig tanganing mapugulan an paglakop kan kasulo.
Sa ngunyan, pig-enkaminar na sana kan opisyal an publiko na padagos na makipagtabangan sa sainda tanganing magin salbado an komunidad sa anuman na huma na dara kan kasulo.
