Inarestar an tulong opisyal sa North Korea makalihis na aksidenteng salang nai-launch an pinagkakarkulong nasa 5,000-toneladang warship sa Chongjin kan nakalihis na aldaw nin Miyerkules, sigun sa report kan Korean Central News Agency (KCNA).
Inapod ni North Korean leader Kim Jong Un an insidente komo sarong “criminal act” kawsa kan matinding kapabayaan, makalihis madurog an nagkapirang parte kan irarom kan barko.
Binisto an mga inarestar komo chief engineer kan shipyard, head kan the hull construction workshop, asin man an deputy manager kan administrative affairs.
Naireport man na pinaapod an shipyard manager na si Hong Kil Ho kan mga awtoridad para sa imbestigasyon.
Kinumpirmar man ini kan military kan South Korea asin US intelligence na nabigo an “side-launch attempt” kan nasambitan ng barko, dahilan para ini maglubog sa sarong banda.
Alagad pighurot man kan KCNA na dae man malala an danyos, asin man mayong labot sa irarom kan barko basado sa isinagibong inspeksyon.
Pigparehas kan South Korea an bagong warship sa 5,000-toneladang destroyer-class na “Choe Hyon,” na primerong ipinahiling kan Pyongyang kan nakalihis na bulan.
Pagtubod pa kan Seoul, posibleng tinabangan kan Russia an konstruksyon kan barko karibay man kan pagpapadara kan mga tropa kan North Korean sa Ukraine.
