Inaprubaran na kan Department of Budget and Management (DBM) an pagkrear nin dugang na 10,000 non-teaching positions para sa mga pampublikong eskwelahan sa bilog na nasyon.
Sigun ki Palace Press Officer Atty. Claire Castro, katakod ini sa direktiba ni Presidente Ferdinand Marcos Jr., na pahigoton an kalidad kan edukasyon sa nasyon.
Magigin mga Administrative Officer II na may Salary Grade 11 an mga kukuanong kawani na ilalaog sa mga elementary, junior asin senior high school. Huli digdi, mas magian an trabaho kan mga trabaho nin huli ta hahalion na sa sainda an administrative asin ancillary tasks asin matututukan na ninda an pagtutuko asin paggabay sa mga estudyante.
An dugang na 10,000 non-teaching position an apwera pa sa nikrear na 16,000 teaching positions para sa maabot na school year. Sinaysay pa ni Castro, nasa P4.19 billion an pondo na itinagama para sa dugang na mga paratukdo na nakapalaog sa regular na alokasyon kan Department of Education sa irarom kan 2025 General Appropriations Act.
