Piglangkaw na sa 20% an diskwento para sa mga senior citizen sa tubig, kuryente, asin iba pang serbisyo, makalihis aprubaran kan Kamara sa ikatolo asin huring pagbasa an House Bill 11400.
Sa botong 177 na pabor asin walang nagtutol, pinahewas pa an mga pribilehiyo asin benepisyo para sa mga senior citizen.
An dating 5% discount para sa mga kumokonsumo nin dai maabot sa 200 kilowatt hours asin 50 cubic meters piglangkaw na sa 15%, basta an billing statement nakapangaran sa senior.
Kaibanan man sa 20% discount an: Pagbakal nin bulong, food supplement, vitamins (online, offline, direct o indirect purchase); Health professional fees; Golf asin country club services; Transport network services; Toll fees sa skyways asin expressways.
Nakasurat man sa propwesto na exempted na an mga senior citizen sa number coding scheme, basta nakasakay sinda sa pribadong behikulo.
May libreng parking fee man an mga senior na magpaparada sa mga commercial o government establishments na nagbabayad nin parking fees.
