Pigpa-asegurar ni Presidente Ferdinand Marcos Jr. sa Department of Trade and Industry (DTI) na mayong nagsasamantala sa presyo kan school supplies katakod sa nararani na kralasehan kan mga estudyante.
Sigun ki Palace Press Officer USec. Claire Castro mawot kan Presidente na masierto na naaayon sa tamang presyo an kaipuhan kan mga estudyante sa ralaugan asin man mabantayan an presyo sa mga merkado tangani dae madipisilan orog na an mga pobreng pamilyang Pilipino.
Komo kasimbagan sa direktiba kan Presidente, personal na nag-ikot si DTI Secretary Cristina Roque sa mga dakulang tindahan siring kan Divisoria tangani aramon an presyo kan school supplies.
Digde nahiling na may pagbaba sa presyo kan 29 na school items magpuon piso hasta P10.
Sinaysay ni Castro na nagluwas na man nin price guide an DTI tangani magkaigwa nin giya an mga magurang sa tamang presyo kan school supplies ngunyan na nararani na an kralasehan.
Inihayag man ni DTI Secretary Maria Cristina Roque na stable an presyo kan mga school supplies sa mga merkado.
