NAGA CITY- Pigsierto kan Department of Trade and Industry (DTI) Camarines Sur na pantay asin barato an mga options sa pagbakal nin mga basic school supplies antes an pagbabalik kan klase sa June 16.
Enot nang pigsaysay kan DTI na padagos an saindang monitoring sa mga school supplies tanganing masierto na nagsusunod an mga nagpapabakal kaini.
Kaipuhan soboot na an mga supplies an nakabase sa price guide na pigpaluwas kan saindang ahensiya.
Marurumduman, padagos na pigbabantayan kan ahensiya an bentahan kan notebooks, pad paper, intermediate pads, pencils, ballpens, crayons, erasers, sharpeners, asin rulers.
Kasabay kaini sa ibang mga areas sa nasyon pigtatao an 2025 Gabay sa Pamimili ng School Supplies, sarong price guide na pigbilog tanganing makatabang sa mga magurang, guardians, asin stakeholders tanganing makatipid sa mga gamit kasabay kan pagbabalik-eskwela.
Kabali digde an updated man na market prices kan pangenot na pigbabakal na educational materials siringman an labeling requirements kan pad paper, crayons, asin pencils.
Mientrastanto, pigsaysay man ni Presidential Communications Office Undersecretary and Palace Press Officer Claire na basado sa DTI price guide, an presyo kan 29 school items an nagbaba kumparar kan nakalihis na taon.
Sa ngunyan, nagpapadagos an monitoring kan DTI-Camarines Sur sa bilog na probinsiya tanganing malikayan an igwang maabuso sa bentahan kan mga school supplies.
