NAGA CITY – PIigbabantayan kan lokal na gobierno kan siyudad nin Naga an padagos na paglangkaw kan numero kan kaso kan depresyon sa siyudad.
Sigun ki Maita Plantado, Nurse III kan Naga City Health Office, na kaipohang tutukan asin obserbaran kan mga kaparientes an mga posibleng senyales kan depresyon, siring kan pagkakamundo, pananamlay o pagbabago kan kinatuodan.
Dugang pa kaini, enkaso igwa nin myembro kan pamilya na nakakaeksperyensiya nin mental health disorder, dapat na maging mas mapagmatyag asin preparado sindang magheras nin bastanteng suporta sa mga ini.
Siringna sana kan tulos na pagpapakonsulta sa mga Barangay Health Workers o direktang makipag-koordinar sa City Health Office tanganing tulos na makapagtao nin nararapat na bulong o tabang-medikal.
Mientrastanto, nagpapadagos man an mga programa kan lokal na gobierno katuwang an mga barangay health stations sa paghahatod nin mental health awareness programs, na obhetong mas maproteheran an mga indibidwal na nakakaeskperyensiya nin depresyon asin iba pang kaugnay na kondisyon.
