Ipinagpauktaba kan House of Representatives an pagresebir ninda nin articles of impeachment kontra ki Vice President Sara Duterte na pigbweltada kan Senado.
Sa ginibong plenary session, pinagtibay kan House an mosyon na ipinasa ni House Deputy Majority Leader Faustino “Inno” Dy V kan Isabela kun saen dapat halaton an simbag sa clarificatory questions gikan sa House prosecution panel.
Inapod kaya ninda na dae malinaw kun tano pigbweltada sa sainda an impeachment complaints.
Huli digde, kinakaipuhan nindang magsumiter nin duwang dokumentos siring kan sertipikasyon na an House an nag-complied sa constitutional requirements
sa pagbubusol nin verified complaints kontra ki Duterte.
Kaipuhan man na magsumiter sinda nin resolution gikan sa House kan 20th Congress na nagsisierto na saindang ipupursige an prosecution kan nasambitan ng reklamo.
Nilinaw man ni Batangas Rep. Gerville Luistro na an lakdang dae mababastos sa proseso.
