NAGA CITY – Mawot na mabawasan kan City Veterinary Office an mga basaybasay na mga ido asin ikos sa siyudad nin Naga sa paagi kan pagkapon.
Sa entrevista kan Bombo Radyo Naga ki Dr. John R. Sales, Head City Veterinary Office, sinaysay kaini na an saindang programa an mapadapit sa animal population.
Dugang pa kaini na basado sa datos na nakalap kan saindang opisina kadakol na mga basaybasay na hayop sa mga tinampo, kun saen ini man saindang prayoridad na mapababa an populasyon huli man ta an nasambitan ng stray animals an produko soboot kan mga ireponsableng pet owners.
Sigun pa ki Sales, mapadapit man sa suplay kan saindang anesthetic, igwa pa soboot an saindang opisina nin 5o vials na kayang maserbisyuhan an 400 hasta 500 na mga hayop alagad madepende man ini sa timbang kan nasambitan ng hayop.
Mientrastanto, mapadapit man sa kaso kan rabies sa siyudad nin Naga ngunyan na taon, igwang 3 aktibong kaso kaini. Pigtawan-duon pa kan opisyal, na an nasambitan ng programa an para sana sa siyudad nin Naga asin tanganing maka-avail kaini, magbisita sana soboot sa saindang facabook page sa magkakanigong requirements.
Sa ngunyan pangapodan na sana ni Sales sa publiko na sa gabos na mawot makapag-avail kan saindang libreng serbisyo, first come, first serve soboot ini asin gaganapon sa Plaza Rizal digde man sa siyudad nin Naga.
