Nangapudan si US President Donald Trump sa Iran para sa saindang mayong kondisyon na pagsuko.
Ini an kasunod kan pirang aldaw nang kariribukan sa pag-ultanan kan Israel asin Iran.
An lakdang na ini kasabay kan pagtipon kan mga tropa kan US sa Rehiyon na nagpapahiling sa paglangkaw kan tensyon sa pag-ultanan kan Israel asin Iran.
Sigun sa mga eksperto an lakdang na ini an posibleng kinababalihan pa kan deriktang military action kan US.
Pigsaysay pa kan ibang mga grupo na dae pigtatawan ni Trump nin pagkakaton an diplomasya na mautob huli sa salang kalkulasyon kaini.
Dae soboot opsyon para sa Iran an pagsuko orog na ta preparado ini na magbalos sa pag-atake man kan Israel.
Mientrastanto, enot naman na sinaysay ni Iran Supreme Leader Ayatollah Ali Khamenei na padagos an saindang gigubuhong pagbalos sa airstrike kan Israel asin dae soboot sinda matao nin pagkaherak.
