Pigsaysay ni US President Donald Trump na padagos kaining pig-iisipan kun mabali sa Israel sa pag-atake sa Iran.
Ini an kasunod soboot kan kamawotan kan Tehran na makaulay an White House.
Marurumduman pigsagibo ni Trump an panduwang Situation Room meeting kaibahan an saiyang national security team mantang naghahalat an bilog na kinaban sa kun ano an magigin potensiyal na kasuguan kaini sa US Military.
Sigun pa sa Presidente na sa masunod na semana dakula soboot an pwedeng mangyari orog na sa magigin kapalaran kan Iran.
Ini an saiyang kasimbagan makalihis na sayumahan kan Islamic republic’s supreme leader Ayatollah Ali Khamenei an kahurutan ni Trump para sa mayong kondisyon na pagsuko asin pagpatanid sa America na igwa ining kakahampangon na kapadusahan enkaso mangiaram sa kariribukan.
Enot nang pigsaysay sa mga report na igwa na soboot pig-aprubahan si Trump na plano sa pag-atake sa Iran alagad pighihiling pa an desisyon kan mga ini dapit sa nuclear program.
Sa ngunyan, padagos soboot na nakabantay an US President sa mga kaganapan sa pag-ultanan kan Iran asin Israel.
