NAGA CITY- Pigpepreparar kan National Irrigation Administration Bicol an pagdestrebwer nin nasa 13 operation management equipment asin behikulo sa manlaen-laen na Irrigation Management Offices (IMOs) sa Rehiyon komo parte kan inisyatiba para sa tag-uran.
Sigun ki NIA-5 General Manager Gaudencio De Vera an distribusyon kan bagong behikulo asin heavy equipment an susog sa kasuguan ni Presidente Ferdinand Marcos Jr.’s na pakarhayon an irrigation projects sa Bicol.
Ini an kinababalihan kan pito na mini dump trucks, tolong backhoe loaders, sarong motor grader, sarong Tamaraw FX, asin sarong coaster.
Ini an soboot an ika-tolong tranche sa irarom kan Re-Fleeting Program.
Pigsaysay ni De Vera na an mga ekipahe na ini an gagamiton sa paglinig kan mga canals, salog, asin mga dam tanganing malikayan an pagbaha.
Pigtawan duon kan opisyal na tuyong tag-uran kaipuhan na maray an siring na proseso tanganing makalikay sa mga posibleng huma na dara kan pag-uuran.
Katakod kaini, labi 800 NIA irrigators’ associations asin mga lokal na gobierno an pwedeng makinabang sa bagong ekipahe na ini.
Mientrastanto, piglalaoman man kan opisyal na igwa pang mga bagong equipment na maabot na makakatabang sa mga implementasyon kan irrigation projects.
