Nag-plead nin not guilty an amerikanong parakanta na si Chris Brown sa kasong pagpurbar na pangungulog soboot gamit an bote sa sarong music producer sa sarong nightclub sa London kan 2023.
Inakusaran si Brown, 36 anyos, nin unprovoked attack kontra ki Abraham Diaw gamit an bote kan tequila.
Katakod digde, nag-atubang an singer sa Southwark Crown Court kaibahan an kapwa akusado na si Omolulu Akinlolu, 38 anyos, na pigpahinutikan man an akusasyon.
Parehas na pinalibre an duwa makalihis na magpiyansa asin nakatalaan na magbwelta sa korte sa Hulyo 11 para sa posibleng pag-atubang sa mas magian na kasong actual bodily harm.
Napag-araman na igwang saro pang kaso si Brown na igwang koneksyon sa pagkakaigwa soboot nin delekadong armas alagad dae pa ini pigpapasimbag dapit digde.
Mientrastanto, nakatalaan na magpuon an paglilitis sa Oktubre 26, 2026.
Marurumduman, si Chris Brown an naarestrar sa Manchester kan nalihis na bulan makalihis na magbwelta sa UK para sa saiyang “Breezy Bowl XX” tour asin nagpiyansa para sa saiyang katalingkasan nin nasa £5 million.
