Pigsierto ni Presidente Ferdinand Marcos Jr., na sa irarom kan saiyang administrasyon na padagos kaining ipaglalaban an soberanya kan nasyon sa West Philippine Sea (WPS) na iyong nagin polisiya.
Sa natatadang tolong taon kan Presidente sa saiyang pwesto mawot kaining magwalat nin marka sa mga Pilipino na dae kaini pinabayaan na angkinon kan ibang nasyon an teritoryo kan Pilipinas.
Pigtawan-duon kan Presidente na dae man soboot nakikipag-iwal an Pilipinas sa isyu kan West Philippine Sea alagad kaipuhan na ipaglaban an derechos kaini sa tahaw kan panghaharang asin iba pang harrassment na piggibo kan China sa mga Pilipinong parasira.
Liwat man na pinanindugan ni Presidente Marcos na ni sarong pulgada kan katubigang pagsasadiri kan Pilipinas an dae kaini isusuko.
